रत्नागिरी | 14 फेब्रुवारी 2026
कोकणातील प्राचीन पाषाणकला (Petroglyphs) जतन आणि अभ्यासासाठी राज्य सरकारने महत्त्वाचा निर्णय घेतला आहे. कोकणातील सुमारे १२ हजार वर्षांपूर्वीची शिल्पकला आणि पाषाणचित्रे यांचे दस्तऐवजीकरण करण्यासाठी ड्रोन सर्व्हे आणि GPS मॅपिंगचा वापर करण्यात येणार आहे.
या प्रकल्पामुळे कोकणच्या ऐतिहासिक वारशाला जागतिक स्तरावर ओळख मिळण्याची शक्यता व्यक्त केली जात आहे. तज्ञांच्या मते, या शिल्पकलेमुळे प्राचीन मानव संस्कृतीबद्दल महत्त्वाची माहिती मिळू शकते.
स्थानिक प्रशासनाने संबंधित स्थळांचे संरक्षण करण्याचे निर्देश दिले असून नागरिकांनी या वारशाचे जतन करण्यासाठी सहकार्य करावे, असे आवाहन करण्यात आले आहे.